என்ன மாதிரி சமூகத்துல வாழ்றோம் நாம???? கடுப்பேத்துறாங்க மை லார்ட்.....

வழக்கமா ரிலாக்ஸ் பண்ண ஜாலியா எப்.பி பக்கம் எட்டி பாத்துட்டு போறது வழக்கம். நான் எப்பவுமே வந்தா ஒரு ஸ்டேடஸ் போடுவேன், யாராவது வந்து கமண்ட் போட்டா ஜாலியா கொஞ்சம் அரட்டை அடிப்பேன், அப்புறம் வேலைய பாக்க போயிடுவேன்...


எப்பவாவது திடீர்னு தோணும், கவிதை எழுதணும்னு... அப்போ பத்து நிமிஷம், இல்லனா ஒரு அரை மணி நேரத்துல கடகடன்னு எழுதி அத என்னோட உணர்வுகள்  பேஜ்ல போஸ்ட் பண்ணி விட்டுடுவேன்.

அப்படிதான் இன்னிக்கும் எப்.பி வந்தேன். அங்க சிங்கிள் பிரேம்னு ஒரு குரூப் இருக்கு. அதுல ஒருத்தங்க ஒரு போஸ்ட்  போட்டுருந்தாங்க... அதுல அவங்க யூஸ் பண்ணியிருந்த போட்டோ என்னோட கவனத்த ஈர்த்துது. சரி, அப்படி என்ன போட்டுருக்காங்கன்னு பாத்தேன். அப்படியே ஷாக் ஆகிட்டேன்..

அவங்க ஒரு கவிதை போட்டுருந்தாங்க. மூணு வருஷம் முன்னாடி எப்.பில நான் எழுதின கவிதை  அது. என்னோட blog-ல கூட அத போட்டுருக்கேன். அதுல ஒரு வரி கூட மாத்தாம, அப்படியே அவங்க எழுதின மாதிரியே போஸ்ட் பண்ணியிருந்தாங்க....

நான் அங்கயே போய் அவங்களுக்கு மறுப்பு சொன்னேன். அது நான் தான் எழுதினேன்னு சாட்சியோட சொன்னேன். நீங்க வேணா கூகிள்ல சர்ச் பண்ணி பாருங்க, என்னோட கவிதை தான் முதல் முதல்ல போஸ்ட் ஆகி இருக்கும்.

அப்படி நான் ஆர்கியூ பண்ணிட்டு இருக்கும் போது ஒருத்தர் வந்து நாம போடுறதே சமூக ஊடகத்துல, இங்க யார் வேணும்னாலும் எத வேணும்னாலும் எடுத்துக்கலாம், திருக்குரள நாம போடும்போது அத எழுதினது திருவள்ளுவர்னு நாம போடவா போறோம், யார் எழுதினா என்ன, கவிதை நல்லா இருக்குன்னு சொல்றார்.

திருவள்ளுவர தெரியாதவங்க தமிழர்களே கிடையாது. அவரோட வரிகள எடுத்து போட்டா அது திருக்குறள் தான்னு சின்ன குழந்தைகள் கூட சொல்லும். ஆனா நாம இங்க அப்படி இல்ல. ஒவ்வொருத்தரும் அவங்களோட உணர்வுகள கொட்டி தான் எழுதுறாங்க, ஆனா அத எவ்வளவு ஈசியா பொறுக்கி எடுத்துட்டு, பாராட்டுக்கள காப்பி அடிக்குறவங்க வாங்கிட்டு போய்டுறாங்க...

இதெல்லாம் சகஜம், விடுன்னு நீங்க சொன்னா, நான் உங்க கிட்ட ஒண்ணு சொல்லிக்குறேன்... நான் எழுத ஆரம்பிச்சு கிட்டத்தட்ட மூணு வருஷம் ஆச்சு, நானும் இதே சமூக ஊடகத்துல தான் இருக்கேன். நான் யார் எழுதுனதையும் காப்பி அடிச்சு போட்டதில்ல... யாராவது என்னை பாராட்டினா கூட ரொம்ப சங்கோஜமா இருக்கும், அதுக்கு நாம தகுதியா தான் எழுதி இருக்கோமான்னு... ஆனா மனபூர்வமா வர கமண்ட்ஸ்கள நான் எப்பவுமே வரவேற்பேன்...

ஆனா, இவங்களுக்கு எல்லாம் மனசாட்சி உறுத்தவே உறுத்தாதா? இவங்க வீட்ல வந்து ஒருத்தர் உக்காந்துட்டு அந்த வீடு என்னோடது, அந்த வீட்ல இருக்குறவங்க எல்லாம் எனக்கு சொந்தம்னு சொன்னா சும்மா விடுவாங்களா?

நானும் தெரியாம தான் கேக்குறேன், சமூக ஊடகங்கள்னா அதுல மத்தவங்க போட்டுருக்குரத பாத்து உங்களுக்கு பிடிச்சு இருந்தா share பண்ண வேண்டியது தானே... அது எழுதினவங்களுக்கும் ஒரு ஊக்கமா இருக்கும். அத விட்டுட்டு இப்படி பண்றது அசிங்கமா இல்லையா?

நான் இத குறிப்பிட்ட ஆளுக்காக எழுதல, அடுத்தவங்க எழுத்த மனசாட்சியே இல்லாம சுட்டு தன்னோடது தான்னு சொல்ற எல்லாருக்காகவும் தான் சொல்றேன்.... கொஞ்சமாவது மத்தவங்களோட உணர்வுகள மதிக்க கத்துக்கோங்களேன்......